Real Thing (8)

شوق (وهي نايمه): خالد هدني،،، خالد هدنيي.. علي وينك... ليش تخلييني بروحيي!

و قامت من النوم و هي تبكي،،، حضنها علي،، والدمعه في عينه... ما سامح نفسه عن ذاك اليوم..

شوق (هدت شوي): احنا وين؟

علي (هدها): فالمجمع،،، تنزلييين ناخذ حلاوه

شوق ( تغير مزاجها ابتسمت كانها ياهل) : اييي ابيي كاافيي،،

راحت تركض لين الباب،،، بعدين اوقفت

شوق: علييييي! تعااال معااي! شفيك واقف؟

علي (بضيق.. لانه عباله شوق لين احين ما سامحته عن ذاك اليوم): لا انا ماابي انتي روحي وانا انطركم

ردتله شوق ، و خذت ايده،، و قربت عنده

شوق (بدلع): انا ابيك يعني، بتخليني بروحي... ما تخاف يمكن يصير لي شي؟

قربت اكثر و همستله: ابيك... تعال معاي

عليي ذااااااااب و مستغرب، اول مره شوق تعطي وجه... و مشو لعند المجمع> و دشو... شوق هدت يد علي.. و علي لين احين مستغرب

شوق(طلعت لسانها و غمزت له): تستاهل،،، عشان ما تحرجني مره ثانيه

خذت جاري و بدت تمشي.. علي تم واقف يضحك عليها وهي شكلها ياهل بين الحلاوه.. محتاره شنو تختار

مشى لعندها،،،

علي: شفيج؟

شوق:(مبوزه) ماعرف شاخذ... هاذي ولا هاذي

علي: اشتري الثتنين...

شوق: ما جبت فلوس كفايه

علي: عادي على حسابي.. اخذي اللي تبينه

شوق: لا مافي داعي... اخذ ارخص

راحت و خذت علبه جلكسي.. واتجهت عند الكيكات

علي: شف هاذي،،،، ما عليه يا شوق...

خذ العلبتين للي شوق كانت تبيهم،، و دفع،، و سبقها للسياره،، و حطهم على مقعدها

ابو شوق: من جايب هالشوكلاطه؟

علي: انا .. حق شوق..

ابو شوق: بس شوق ما تحب هالنوع..

علي: من ايحبه؟

ابو شوق: هاااذيه انا احبه،، و هاذي محمد ولد اختك يحبه

علي: ههه... هالبنت،،، كلش ما تفكر في نفسها

دشت شوق السياره: من؟

علي: انتي !

شوق: شسويت؟

علي: ما شريتي حلاوه حق نفسج

شوق: لا.. شريت كيكه ريد فيلفت

علي(استغرب لأنه هاي كيكته المفضله): من قالج؟

شوق: مها

علي: متى؟

شوق: قبل اشوي اتصلتلها

علي: دبه... انا اعلمها

شوق شافت الحلاوه اللي جابها علي

علي: ههه انا على بالي انتي تبين تاكلينهم.. قلت اشتريلهم لج

شوق نزلت راسها،،،: شكراً

علي: مب بس كذييي لاا،،، نبي هديه

شوق: (بصوت واطي) هديتك بعدين

علي: ما اسمع

شوق: بعدييين!

علي: متى؟

شوق: عقب الملكه

علي: تستاهل اصبر؟

شوق:الصراحه ما تستاهل..

علي: اي شي من ايديج حلو

شوق: يبااا شوففه

ابو شوق: علوووي طالع الشارع لا صمك كف على عينك اخليك ما تشوف

علي: هههه انشالله

بعد ساعه من السوالف والفرفشه والضحك...

وصلوا الأستراحه

========================

:السلام عليكم

:عليكم السلام، من تبغين؟

:هلا خالد، والله ما عرفتك صوتك متغير، شخبارك و شخبار خالتي؟

خالد :عرفتينا لكن ما عرفناج... من انتي؟

:شدعوه... حرام علييك... انا شوق بنت المرحومه

خالد: هلا بالقاطعه،، شخبارج؟

شوق: انا قاطعه؟ ويييهه عشتوو... من يوم من صار عمرك ٧ سنيين ولا شفنا رقعه ويهك

خالد: خلاص.. حقج علي .شفيج عسى ما شر؟

شوق: الحمدالله، لا مافي شي، بس ابي الوالده لو سمحت

خالد: انشالله

    خالد: يمااااااآ... يماآآآآآ

ام خالد: شفيك صرقعتني.... محد ايقييل بدون ازعاج فهالبيت!

خالد: شوق عالتلفون تبيج

ام خالد: شوق....؟اههههااااا شوقق بنت اختيي فديتها حبيبتيي....

ام خالد: هلا يماا هلا بقلبي .. هلا ببنت الغالليه الله يرحمها

شوق: هلا بخالتي... شخبارج؟ اسفيين عالقصور..

ام خالد: لا والله ما قصرتي يا بنتي،،، كل اسبوعيين عندنا،،،و تطرشين لنا غدا ما مقصره في حقنا،، والله عرف ايربيج محمد

خالد: (في نفسه: معقوله؟ هالصوت مب غريب علي... مع انه ما شفتها من سنين... وين سامع هالصوت من قبل؟)

شوق: تسلميين خالتي.. انا متصله اليوم ابي اعزمج اننتي و عبير و خالد ملكتي اليوم،، فالشمال

ام خالد: ، هاذي الساعه المباركه.. باخلي خالد ايودينا و بيتصل عشان اتدلينا الطريق حق بيتكم...

شوق: انشالله،، مع السلامه

ام خالد: انشوفكم بعد صلاة العشاء انشالله،،، مع السلامه.

شوق: افف،،، انا ما ادل.. باقول حق علي ايدليه

طلعت برع فالحوش

و كان علي قاعد ايطالع البركه السباحيه الخارجيه

و سرحااااااآن

:علي

:علي

:عليي

:عليي!

افتر علي و لقى شوق لابسه جلابيه بيت حرير، الموديل طايح لاكنه جذاب،، لونها احمر،، و كانت لافه عليها وشاح كاشمير، و صاير شكلها خطيييير

:عليي!

علي: نعم، ها، منو؟

شوق: انعم الله عليك.. بس انت اتدل الطريق من دوار الشمال لين هني؟

على: (خزها) مب انا اللي جايبكم..؟

شوق: اي صح اسفه،راح عن بالي،،، انزين ممكن-

علي (قاطعها) ايه ممكن

شوق: خلني قول لك.. بعدين قول ايه ولا لا،،،

علي: كيفي، ايه

شوق: علييي!

علي: ههه خلاص قوليي

شوق: انزين خالد بيتصل وابيك اتدلي الطريج لانه انا ما ادل

علي: من خالد

شوق: ولد خالتي، جايب خالتي و بنتها حق الملكه

علي: خلاص اوكيه.. والله ايهمج

شوق: خلاص شكراً مع السلامه (بدت تمشي لين البيت)

علي: وشو مع اللسلامه.. تعالي قعدي معاي شوي..

شوق: علي ما يصير... لازم اطبخ، و اسوي شاي، و مادري ايش

علي: خمس دقايق واللي عافيج

شوق: خلاص اوكيه..

علي: يس!

شوق: (رفعت حاجبها) شمعنه يس... يعني انجاز هاي؟

علي: لا بس لانه من جينه و انتي حاكره نفسج فالمطبخ... لازم شوي you let loose

شوق: الصراحه... ودي انااام...

علي: عقب كل هالنوم فالسياره ودج تناميين؟

شوق: مالت عليك.. باروح اخلص شغلي و افخ رقاد احسنلي،،، الله ييعينيي اليوم (قامت)

علي: انزين شوق..

شوق: نعم؟

علي: مافي goodbye kiss

شوق: الا فيي... روح حصلك قراده اتسويلك ... (ردت المطبخ)

علي: هههههه

Real Thing (7)

  مرت ايام على للقاء الأحباب،،،

و توها الأمتحانات خلصت

و قررت عايلة أبو شوق يروحو يعطلوا الى بيتهم الثاني اللي كان في منطقة احذى البر والبحر،،

 و قرروا يتموا أسبوعين،

اليوم الأول من العطلة،

قبل ما يمشون

كانت شوق و أبوها جالسين على الطاولة بعد الغدا

أبو شوق: اليوم ترى كل الأهل جايين، يعني ابيج تبيضي وجهننا و تقعدين تقدمي لنا اوكي؟

شوق: من عيوني بابا،، بس منو اللي جاي؟

(رن الجرس)

شوق: لكتشميييي شوفي الباب من جايي هالحززه

شوق: انزين كمل بابا.. من جاي معانا الأستراحه؟

أبو شوق: عمتك أم علي، و ولدها طبعاً ( غمز لبنته)

شوق: اناا مالي خص!!!! ترى لا تخلونه يقربنييييي ، بقعد اصارخ عليه واصير مجنونه و بينقلب وجهيي طماط

آبو شوق:خخخ خلااصص بقوللهه ينطم و ينثبر، بعد عمامج جايين ما يصير هالسواللفف جدامهم

شوق: لا تقوليي اناا انا عاقله، قول حق هالخبل علويي

:انتي اللي خبلتينيي

شوق: (شهقت) علي؟ انت شييبك؟؟ غمض عيونك يالدبب مب لابسه شيلتي!!!

(و كانت شوق توها راده من عزيمه غدا و فصخت عبايتها فالصاله و جلست مع ابوها، و لابسه جلابيه مغربيييه جنآآآآن مرونييه، و كان شعرها مرفوع للفوق في messy bun)

علي: لكشمي بطلتلي الباب

شوق: يباااا شوففهه قوله ايغمضضض ما لابسه شيلتي!!!

علي: ليش خالي انت ما قلتلها؟

آبو شوق: لاا... قلت آفاجئها عشالن انت اتشوفها على طبيعتها

شوق: يبباااا شتقول؟ عييييب!!!

أبو شوق: لا يبا مهب عييب، هذي الرؤيه الشرعيه

شوق: (رفعت حاجبها ) : اههاااا احيين عرفت الساللفه....صدق انك شيطان... كللله من تحت ليي تحت

علي: خيي خيي خيييه (رافع اصابعه على راسه كنه شيطان)

شوق(انعفس وجهها و هي اتطالع مالابسها): انزيين ليش ما تقولوونليي... كان كشخت شوي... شكلي ما يستاهل الصراحه

علي: اذا انتي ما تستاهلين...عيل من يستاهل؟ شكلج .... اااااه

فجأه طاح علي و شوق ركضتله على طووووول والدمعه في عينها

شوق: علي رد عليي تكفى شفييك خرعتني

فتح علي عيونه... و كان مبلقهم : من شكلج الجنان... طحت غشيان

شوق(استحت ... و احمرت خدودها): مالت عليك و على ويهك، صروعتنيي يا خايس

ابو شوق: الله يعيين بنتي عليك،، من اولها كذي... لو تزوجتوا يعني شلون؟

شوق (معصبه) : يبا انااآ اصلاآ مقرره اعنس (و صعدت دارها ركيض)

علي: كااااااااااكك مسكينه استحت

ابو شوق: زيين تستحي... مب مثلك ما تستحيي اتلعب فبنتي وانا موجود .... ترى ما ازوجكم!

علي: لا تكفى خالللييي واللي سلمك الللاا جييه

ابو شوق: بسمالله بلل بلل .. خلاص خلاصص انتو قرروا متى العرس و الملكه و قولولي

شوق(و هي نازله من الدرج مع عبايتها و شنطتها): اليوم

ابو شوق: ليش مستعجله؟

شوق: اصلاآ يبا كل العايله جايه الآستراحه اليوم.. والملكه ما يبيلها شي غير الشيخ، و نقدر انقول حق المطوع حسين يزوجنا عادي،

ابو شوق: ما تبيين حفله؟

شوق: لا حفله ولا بلاش.. مصاريف عالفاضي مايصير، و بعدين انا قلت فرصه كل الآهل موجودين و باعزم امنه بعد،

علي: وانا باعزم حمد

أبو شوق: (في نفسه: والله انج كبرتي بسرعه، الناس يتعقدون من بناتهم، وانتي بركه ما ودي تكبيرين... و انا اذيتج واييد... طلقت امج و تزوجت عليها، و ماتت امج بعد سنه... و مع ذالك متقبله زوجتي.. و تحترمينهاا... و تسمينها يما... والله انج تستاهلييين هالخبل يعزج.. عرفت اتربي يا محمد) خلاص عيل، اتصلي في خالتج و عايلتها خلهم ايجون يحتفلون معانا

شوق: انشالله

علي : شوق؟

شوق (حست انه في شي): لبيه؟

علي: تعالي شوي..

شوق راحت لعنده بس ما جلست

شوق: علي شفيك؟

خذ يدها و جرها عنده

علي: قبل ما نتزوج لازم اقول.... ترى انا عندي عيب

شوق (مب فاهمه): يعني شلون؟

علي: سر

شوق: علي ما يصييير لازم اتقول!

علي: انزين باساسرج اوكي؟

علي مسكها من ايدنها و ساسرها

علي: شوق عيبي هو انه انا احبج و ما اقدر استغني عنج... و انتي روحي و دنيايي و تملكين قلبي... يا عمري

استحت شوققق و على طووول قامت

شوق (ووجهاا اححححممر): يبا انا باروح السياره!

ابو شوق: مالت عليك ربكت البنت... تعال معانا المزرعه... ما فيني شده اسوق

علي: انشاللله يبا (و غمز)

============================

فالسياره شوق تكلم امنه

شوق: امنه واللي سلمج تعاللييييي

امنه: لييش اقعد بين اهلج عيب

شوق: انتي اختي اصلاً... و الكل عازم ربعه حتى علي

امنه: خلاص اوكي... بس علشانج

(دخل علي السياره)

(شوق ناويه اتحره)

شوق: وانا اموت فيك

علي(بقق عيونه): منوووووو اتكلمين؟

امنه: علويي معاج

شوق: ايييه يا قلبيي هذا هو (بشمائناز مزيف) زوجي مالت عليه

امنه: كاااااكك مسكين تعذبينه

شوق: لا اصلا يا حبيبي هذا يستاهل اكثر... والا انا ما بتزوجه الا حق ابوي.. انا ودي اتزوجك انت بس اتعرف...

(علي سحب منها الجوال على طووووول)

علي:منو انت يا خسيس يا نذل يا كلب

امنه:(تبي اتمتحن علي) كليتنناا.... الله يلوع كبدككك حد يتزوج شوق .. ما اخترت الا هااذي؟

علي: حدج عاد... هي تسواج و تسوى البنااات كلهم... انتي اخر وحده اتكلمييين تمثليين انج رفيجتها.. اقول مالت عليج

امنه: انت اصلا شتحب فيها؟

علي: احبها كلها... احب ابتسامتها و برائتها... احب عقلها و ثقلها... احب انها حنونه و قلبها ابيض... احبها لانها ما تكره ولا تحقد... وما تشيل على حد... احب شفايفهها وعيونها... احب التزامها في دينها... ااااه شاقولج احب حتى ظفر صبعها الصغير

امنه: نجحت الأختبار يا روميو زمانك... كنت اشوفك تستاهل ولا ما تستاهل (وامنه سوت جذي حرصا على رفيجتها،، و كانت تبي شوق اتشوف انها تسوى) ابيك تحطها في عيونك و يا ويلكك اذا سويت فيها شيء.. اذبحك...فاهم؟

علي(استانس انه شوق عندها وحده تحبها قد امنه): انشالله

امنه: شووف شوققو ويهاا اشلون اكيد احممرررر

و فعلا كانت شوق مستحييييه من قلب.. ضحك عليها علي و رد لها جوالها

شوق: يا حماره لييش تسوين جذي،،، متفقين عليي تبون تحرجوني!

امنه: كااااااااك مسكينه،،، الله يعييينج مع هالاهبل،، الظاهر ايحبج صدج و ميت-

 سدت شوق الخط على امنه... منحرجه حييييلل من الكلام اللي سمعته من علي..

دخل ابو شوق السياره. و مضو،،، و كان الطريج طويييييلل

شوق كانت قاعده ورا علي> اللي كان مركز المنظره عليها.... وكانت شوق تعباااننه مووت و نامت

علي لمح شوق نايمه،، و فكر في نفسه: شف هذي كنها ملاااك،،،، تجنن وهي راقده،، صدج مججنتني هالبنت

وصلو عند المجمع،، عشان ياخذون اللي يبغونه من حلاوه و شيبس و سناكس

نزل ابو شوق و فتح علي باب شوق عشان يوقظها،، و طاحت عليه و هي نايمه،،، لانها كانت متسنده عالباب

علي:(في نفسه) اااه يا شوق عذبتييني،،، ما تتخيليين الألم اللي انا فيه،،، ودي اشلج و اوديج بعيد عن كل الناس،،، عشاالن انتم بروحنا،،، ما ودي اتحبيين حد غيري

ردها داخل السياره،،، لكنهاا تعلقت في ثوبه،

علي: شووق؟ قووميي،،، اشفيييج تعلقتي فينيي..

شوق (وهي نايمه):لا خلاص.. ما ابيي خلونني هدني!

Real Thing (6)

في فيلاجيو....

كانت شوق متحمسة واايد على اللقاء، لأنها ما شافت علي من سنتين،

و كانت امنة تضحك على جنان رفيجتها، اللي كل شوي و قاعدة اتنط كل ما شافت واحد بثوب (دشداشة)...

امنة: قريي (قعدي) افف احين اللي شوفج ايقول وحدة مجنونة...

شوق: طبعا مجنونة، مجنونة بحبه،،

امنة:حمدالله والشكر يا رب، يله عاد، ابي اشوف محل غوتشي الجديد،،

شوق: يله،،

و في الطريق، واحد دعم (اصطدم) شوق و طاحت شنطتها،

نزلت شوق تبي تأخذها و طاحت الغشوه من وجهها،

نزل الولد ياخذ الشنطه عشان يعطيها شوق،

وهم اثنيناتهم ايدهم على الشنطة،

ناظرته شوق، و انقلب وجهها الى ملامح غضب،

والولد نفس الشي،

قامت شوق و هي تحاول تسحب الشنطة من عنده،

شوق: هد الشنطة احسنلك...

الولد: لا والله، تعالي ضربيني بشوزن احسن..

شوق:خلود يا كلب، هد الشنطة،

(و طبعاً عرفتوه لأن ما في نذاله نفس نذالة خالد)

خالد(سحب الشنطة، و طلع جوال شوق): دقيقة،

اتصل على نفسة من جوال شوق ، و ردلها الشنطة والجوال

(كان معا خالد شاب اسمه احمد، تقريبا نفس النذاله)

احمد: خوييلد، منو الحلوة ذي، اتعرفها؟

(ردت شوق الغشوة على وجهها)

خالد: بعدين اقولك احين انت اذلف خلنا انظبط،،

( اشرحلكم مركز فيلاجوا، الثيم ماله كانك تمشي في اطاليا، و السقف شكلة سما، و في نهر صغير في نص المول، و تقدرون تركبون في قارب صغير و تعبرون النهر تروحون الصوب الثاني)

فجأة، بدت شوق تفتح موبايلها، و طلعت الكرت، و راحت لعند خالد بكل جرائة و كسرت الكرت جدامه، و رمته في النهر

ردت لخالد، و تفلت( بصقت) على نعاله (لأنها ما قدرت اتفل على وجهه مع الغشوة)

امنة (باستغراب) : شوق؟ شتسوين؟ يله عاد خل انروح

شوق: جاية

التفت تروح عند رفيجتها، وألا خالد ماسك ايدها،

خالد: عرفنا اسمج،  يا شوق... صدج اسم على مسمى،... بانتضرج بكل شوق، يا شوقي...(و ضحك ضحكة شريرة)

وفي نص ضحكته جات شوق رفسته في رجلة، وطاح خالد ايصارخ

راحت شوق و خذت امنة معاها، و دشوا صالون نساء، علشان ما يلحقهم خالد،

احمد: خلووود زين حصلتلك وحدة اتسنعك،،، تستاهل.. بس من صدج، شوق هاذي (سوا صوت قطوة، و شمخ الهوا)

خالد: جب انت، لا اخليك تبلع عيونك،

احمد: افف (ولع سيجارة) (صدج صياعة)

===============================

شوق: اففف خلاص عقدتيني، قلتلج ما بيني وبين هالكلب شي!

امنة: اكيد بينكم شي، عيل ليش يحاول يتقربلج، وانتي تبعدينه؟

شوق: زين، باقولج السالفة كلللللللها

قالت شوق سالفة خالد، و ليش شوق طاحت فالمستشفى ذلك اليوم، وقالت لها عن سبب ابتعادها عن علي، و عن اليوم ذلك كله، هاي لأنه امنة ما كانت تعرف التفاصيل، و محد غير علي و شوق و أبو شوق ايعرفون بتورط خالد..

امنة: ليش ما قلتيلي من قبل؟

شوق: اسفة، بس والله ما ضنيت اني باستحمل سيرة هالكلب من بعد كل عوار الراس و اليوم جاني غضب مب طبيعي يوم شفته، كأن كل شي خليته فداخلي في خلال شنتين... واليوم.... طلع... (تنهدت) تعالي خلاص عورني راسي، خل انروح البيت..

امنة: وين انروح البيت؟ نسيتي عن علي؟

شوق: لا ما نسيت، بس صارت الساعة 9، واحنه من الساعة 5 نلف و ندور، تعبت، خلاص،، ضاع الأمل،، الظاهر مب جاي...

امنة: هيي هيي ! انتي وشو اتقولين؟ تعالي انروح نقعد في فرايدييز،

شوق: احسن بعد، شكلة بطني بسويي سمفونياات من الجوع...

=====================================

قعدوا في الزاوية في فرايديز، و كانت جنبهم طاولة فيها شابيين،

واحد معطي شوق ظهرة، و واحد شوق ما تعرفه...

قامت امنة تكلم اخوها، و طلعت على الحمام، علشان امنة اتعرف انه في هوشة في كل مكالمة مع اخوها

سمعت شوق الشابين يتكلمون وهي تنطر امنة

الشاب الأول: خلاص يا رجال، اكيد صاير شي، ولا هي ليش ما تجي؟

الشاب الثاني: ما يصير يا حمد، كيف اخلي هالفرصة اتروح من يدي و هي موجودة، يا حمد انا احس بحظورها، احس فيها، هي قريبة

حمد: يا رجال، عيب بنت اتسوي فيك جذيــ

الشاب الثاني: لا، هاي مب اي بنت يا حمد، هذي شوق، شوق دنياي يا حمد

شوق شهقت و دمعت عيونها، لأنها ما سمعت صوت علي من سنتين،،

حمد: بسم الله، حمد الله والشكر، شفيها هالبنت تشهق و تبكي، اكيد صاير لها شي ، الله ايعينها...

علي: (تنهد) ااه يا شوق، احبك!! جنينتيني

شوق: (بهمس) وانا اموت فيك

علي(استغرب): امبييه، حمد، كأني جنيت،، سمعت صوتها

شوق ضحكت على هباله

علي: حمد، شوق وراي ولا انا استهبلت

قام علي، والتفتت،

شوق: ما يصير تستهبل، خلاص انت هبل على الmax

قعد علي

علي(بهمس): شوق، تعالي عندي،

شوق(بهمس): لا يا علي، ماقدر، عيب،

علي: انزين قعدي على الكرسي اللي عند ظهري علشان نتكلم على راحتنا،

قامت شوق، و ناظرت حمد، و ابتسمت، لأنها تعرف انه حمد صديق مميز لا يستغنى عنه

قعدت في الكرسي اللي  كان ظهرة يشارك ظهر كرسي علي

علي: (تنهد)

شوق: بسم الله؟ شفيك؟

علي: ما فيني شي، خخخ

شوق: مالت عليك، صروعتني (خوفتني)

علي: صدج؟ خفتي علي انا...

شوق: اي...

علي: ونااسة،

جات امنة، و نادت الويتر، الويتر كان لبناني و ضعييف و بعبوص،

راح لعند شوق،

الويتر: يا سلام على الجمال، شو عاوزة تأكلي؟

شوق:انا ابي كيكة،

الويتر: من عيوني الثنتين، حاقيب حلو للحلو و حارجع

امنة: شف الكلب، طقعلي، تعال انت، يا بعبوص الشام (لحقت الويتر)

علي: خبلة رفيجتج،

شوق: ادري، بس فلة،

علي: اففف، بس زين سوت فهاي البعبوص، انا كلش ما هضمته،

شوق: محد قالك تاكلة،

علي: انزين انتي بتاكلين حلو بس؟

وق: لا بس كل اللي في السالفة انه انا اكل الحلو اول شي ، بعدين المين كورس

علي: يعني عكس الناس، 

شوق: وشو يعني، انت تبيني زي الناس

علي: لا خلج شوق،

ردت امنة وهي تتحلطم

امنة: اخر زمن، حلو للحلو، بعبوص

وهي تقعد، طالعت جهة طاولة علي، و شافت حمد ايناظرها و يضحك، احمرت اخدودها، و خذت المنيو و غطت وجهها

شوق: علي...

علي: لبيه؟

شوق:اليوم شفت خالد، واحين ماعندي جوال...

علي: فهميني، انا ما ربطت بين الأشياء

قالت له شوق كللل شي،

علي: هههه زين سويتي فيه خخخ يستاهل،،

جاء الويتر و معاها صحن كيك، وكان يغمز ويبتسم حق شوق، اللي ما كانت تعطيه وجه، مر الويتر على طاولة علي، و طلع علي رجلة من تحت الطاولة، و دبغ الويتر على وجهه، و ووجهه طاح في صحن الكيك،

علي: الحلو للحلو

امنة:(ببصراخ) سبيشل جديد، الوجبة المثالية، بعبوص مغمس في كيك شوكلاتا مغري، للفترة محدودة، البعبوص الحلو،، فقط في فرايدايز،،

حمد: تحفة، يبيله صورة،

امنة(فالجو نست الموقف القبلي) (رمت للحمد جوالها): صوره ربي اسلمك،

حمد: اكييد، لازم انسوي بلوتوث وانسميه

حمد و امنة: الحلو للحلو

شوق: حرام عليكم شف مسكين وجهه احمر من الفشلة،

حمد: لا هاي وجها حمر من الفراولة اللي حاطينها على السبشل ههه

امنة: والله جبتها،، ههههه

علي: هاي جزاه يتغزل في حبيبتي جدامي

حمد: ما نقدر على اللي ايغاروون،،

امنة: شف ذييك الثانية احمر وجهها،

حمد: مب جنه خربنا الجو عليهم،

امنة: لا عادي متعودين على الملاقة هم،

حمد: (بصوت عجوز) وانتي الصادجة يا وخييييتاايي، والله لازم يتعودون على الملللاقــــه ، لان ااحــــناا ققاعدديــــن على جبووووووودهــــم

امنة: شوق، الساعة 10 و نص،

شوق: هيييء! مسكين ابوي، يلا تعالي انروح،

امنة: يله (طالعت حمد) مع السلامة guys

علي: مع السلامة،

حمد: انشوفكم على خير انشالله،

شوق: باي علي،

علي: مع السلامة قلبي،،

شوق: باي حمد

مرت على حمد و همستله

شوق: (بهمس) ما وصيك على علي اوكي؟

حمد: لا توصين حريص، ما وصيج على خبالها! تحملي تخلينها تعقل!

شوق (بابتسامه لأنها تعرف حمد يصلح حق امنة): اصلاً جي ولا جي امون بتم خبلة..

حمد: خخخ صح كلامج...

و طلعت شوق و حصلت امنة في السيارة تنطرها، ومن الملل كانت امنة مشغلة المشاشات، و كانت موجهها رشاش الماي على برع، فكل ما يمر حد، تضغط زر المشاش، و ترش الماي على المارة

ضحكت شوق على خبال رفيجتها،، دشت السيارة، و راحوا البيت.

========================================