This post is dedicated to Mariam!!! believe it or not you're the only one who's keeping me going a7een :*
في المستشفى
================================
وصل ابو شوق المستشفى و لقى علي برا و راسه بين ايديه، و شكله يكسر الخاططر،،،
ابو شوق: هي لين احين ما صحت؟
علي: لا، هي صحت من زمان، لاكنها مب راضية اتشوف احد،
ابو شوق: وانزين وش قال الدكتور؟
علي: قال انها تعرضت لأنهيار عصبي حاد، و هاي لانها توها تتعلم المشاعر بسبب السالفة القبلية، قال الدكتور انه مع انها كانت شخصية قوية من قبل، احين اذا تعرضت للشيء كبير بعاطفة كثيرة ، او لصدمة قوية، جسمها و عقلها ما يقدرون يتحملون، و جسمها will shut down completly يعني المفروض ما تتعرض لأي شي، أو تصير كارثة...
ابو شوق: لا حول ولا قوة الا بالله، كله من جمالها و شخصيتها، الوحدة لين كانت زينه تلقى مشاكل كثييييرة، واللي عويه تلقى كل شي تبيه، افف شنسوي بهالدنيا، لو احصلها واحد كفو يتزوجها و يقعد معاها و يستر عليها، جان زوجتها من زمان... (تنهد) اااه يا شوق، والله قلبي معاج يا بنتي،
:وينهي!! قولولي وينهي!!!
علي: بعد هذا شيبي؟
عبداالله (سمع السالفة من ابوه، اللي كان مع ابو شوق يوم اتصل فيه علي) : جب أنت، لو أنت ما كنت مناك جان ما صار اللي صار! شلون تسمح لواحد يقربها، والله لو انا كنت معاها جان صطرته الكلب،
علي: اسمع.... والله انتـــ
شوق(عند باب الغرفة و بالعكزات لأن ما عنده توازن) :(بصراخ) خلااااااااااص، ذبحتوني، حرام عليكم، ليش اتسوون فيني جذي، واحد يضربني و واحد يتخلى عني، و بعدين اتقولون لي هذا حب؟ لو هذا حب انا مابييه!!!!!! ما بييكم! خلوني بروحي!!! ما بييكم!!!!
ابو شوق(راح لعند بنته يساندها): خلاص حبيبتي، شوي شوي لا تطيحين علينا مرة ثانية،،
شوق (ببكي): يبا انا مابي احد، قولهم ايروحون مابييهم!
ابو شوق: (للأولاد) والله بنتي عندها حق اتبرى منكم، واللي وريتوها زين؟ كل مرة تيجي المستشفى أو تتأذى منكم، خلاص، اذا انتوا صدج اتحبونها قوموا عنها، لأنكم ما تيبون لها الى عوار القلب، (لشوق) يلا يا عمري، تعالي تنبطحين عشان انجيب لج اكل،
شوق: يبا انا ابي اصير عانس
ابو شوق: (بضحك) والله البنات يتمنون ما يعنسون، وانتي تتمنين العكس؟ صدج خبلة
شوق (وهي تركب عالسرير): لا انا عاقلة، هم المخبيلين
ابو شوق: خلاص بابا، اصير خير
طلع برا الغرفة علشان يخليها ترتاح، شاف علي و عبدالله قاعدين مقابلة
ابو شوق: انتو شتسوون هني؟
علي: اسمحلي خالي، بس لازم اودعها و اروح، بعدين باروح عنها ولا تشوفني مرة ثانية،
ابو شوق: انزين، (لعبدالله) وانت شتبي ؟
عبدالله: ابي شوق،
ابو شوق: وشو؟
عبداالله: انا ابي اتزوج شوق
ابو شوق: حمدالله والشكر، ما تسمع انت؟ البنت ما تبيييك! ما تفهم؟
عبدالله: بس انا ابيها
ابو شوق: غصب هو؟ واصلاً هي ما تبي تتزوج، قررت اتعنس، كلا منكم! (لعلي) تعال معاي انت،
دخل علي و ابو شوق الغرفة، شافتهم شوق، و ناظرت علي بنظرة حزن
شوق: انت شتبي مني؟ مب كنك سويت كفاية؟
علي: جايج اطلب منج المسامحة، والله يا شوق، لو شفتيني شلون كنت خايف عليج جان فهمتي، قلبي، سامحيني،، و باروح عنج، باخلييج ولا تشوفيني مرة ثانية
شوق: انت ما سويت شي غلط-
علي: الا سويت، انا عرضتج للأذية، وانا بادعي ربي كل يوم عشالن ايوريني نفس العذاب اللي انتي مريت فيه،
شوق: لا يا علي، ما في داعي، انت المفروض محد يفرض عليك المسؤلية، لأن مب شغلك انك تحميني، بس انا كنت ضعيفة، استندت عليك زيادة عن اللزوم، و هاي الي اذاني، مب انت...
علي: خلاص، سامحتيني؟
شوق: شلون ما اسامحك؟ وانت كل دنياي؟؟ اصبر علي كم سنة؟ و ابقى بعيد، وبعدين انشاءالله، بنشوف بعض مرة ثانية، وبتحصلني قوية، و قادرة على حبك...
علي: انزين، باعطيج سنتين من هاي اليوم و بنشوف وشو الله كاتب لنا.... بس يا شوق،،،،
شوق: نعم؟
علي: شلون استحمل فراقج؟
شوق: تذكر اني قاعدة انتظرك،،
توجه علي للباب...
شوق: و يا ويلك يا سواد ليلك اذا حبيت وحدة غيري...
علي:(بضحك و بنظرة حزينة) مستحيل!
===========================================
اسبوع قبل ما تخلص السنتين
امنة:اووهووو!!! شوققو!!! انتي شفيج، كل مالج و تسرحين...
شوق: ها،، وشو؟؟ شتبيين، خلييني فحالي...
امنة: لايكون تفكرين في ذلك العفطي مرة ثانية؟
شوق: (ضربتها) عفطي فعينج يا كلبة، حدج عاد! عن الملاقة! هاي ويهي اذا كلمتج مرة ثانية...
امنة: افف افف افف كل هذا علشان علوووي؟
شوق: جب! اصغر عيالج هو عشان اتسمينه علوي؟
امنة: خلاص، بل، كلتني!!... ياهووا، سرحت مرة ثانية، اروح اكلملي طوفة احسن
شوق: ايي زين زين...
امنة: افف شوق!!!!!!!!!
شوق: هاا! مب لازم اتصارخين
امنة: انزين، شبتسوين حق يوم ميلادج،
شوق: ولا شي، هاي اليوم اللي المفروض اشوف علي...
امنة: لا والله، يعني بيجيج اطق باب بيتكم؟
شوق: يمكن، ايسويها...
امنة:انزين، مب قلتوا انتو انشالله؟ يعني اللي الله كاتبة ايصير، ف شتقولين، انروحين فيلاجيو؟
شوق: اوكي.... بل ماصدق! بيصير عمري 18!!! واو! و علي بيصير عمره 20 هالسنة!!
امنة: والله انج مفهيه، احين قاعدة ارردلج نفس الكلام سنة، وانتي توج ملاحظة!
و طبعاً شوق كبرت، وحلوت، و عقلت، و صارت نفس أول، حنونة و رقيقة و جميلة، لكنها قوية، و ما يهزها حد، وفي غصون هالسنتين الأ شوي، علي و شوق ما التقوا، و الكل وفا بوعدة، عبدالله سكت عن شوق، و بدأ يحب مريم (و هاي الثانية سكتت بعد، لأن عبدالله رد لها) و كان علي يسال عن اخبار شوق كل أسبوع فهالسنتين، لكن أبو شوق يخفي هاي المعلومات عن بنته، لأن علي طلب من خاله ما يقول حق شوق شي...
امنة:خلاص خلنا من سالفة هالأهبل عليويي، و قولييلي شبتلبسين حق الحفلة؟
شوق: اي حفلة؟
امنة: حفلة يوم ميلادج
شوق: مب مسوية حفلة
امنة: ليش،
شوق: ما فيني حفلات
امنة: ليكون هاي عن علوي مرة ثانية؟
شوق: لا يكون انتي على بالج انه الفراق شي سهل... نفس ما قال عبدالمجيد:
اذا تفارق شخص عادي مصيبه
وشلون لو فارقت منهو تحبه
يارب رجع كل حبيب لحبيبه
دام الحياه في بعدهم حيل صعبه
طبعي الوفي لو راح شوقه يجيبه
وعلى حبيبه ما اعتقد يقسى قلبه
وفالدنيا ما احدٍ ياخذ الا نصيبه
ياليت قلبي ياخذ اللي يحبه
أنا تـعـبت وفرحتي مو قريبه
وأحيان أقول الحب يا ناس كذبه
لكن قلبي يرجع وهاذا عيبه
يشتاق للي مبعدٍ حيل دربه
امنة: الله الله، لو درينا انه شوفة علي بتسوي فيج كذا جان قلناله اييج من زمان!!
شوق(بققت عيونها): انتي كنتي اتكلمينه؟
امنة:(ارتبكت) لا، هو اللي اتصل.. وو ، كان،، و قال لا تقولين لها
شوق:(جرت امنة من اذونها) قولي لي كل شي!
امنة: هو اتصل على ابوج، و ابوج كلمني و قال لي اودييج فيلاجيو ذاك اليوم، لأنه علي بيكون ناطرج مناك، و ابوج سمحلة ياخذج ليلة وحدة تتعشون مع بعض و بعدين يصير خير
شوق:(شهقت) ابوي يدري عني و عن علي؟
امنة: اهو كان معاكم يوم ايودعج علي اولة العام
شوق: ooops !
امنة: صدج تحفة، ف قررتي اذا بتروحين ولا لا؟
شوق: طبعا باروح اذا بابا راضي، و لازم انتي تروحيين معاي
امنة: افففف انزين هدي اذني!
شوق: سووري
امنة: هفج لوريي
شوق: يلا قومي انروح الصف!
امنة: مب لازم، اخر سنة ثنوي، يعني شبنسوي؟
شوق: بندرس عشان ندش الجامعة.. بعد وشو؟
امنة: بندرس عشانـــ اقول قمي زين عن الحنة الزايدة
شوق:(طلعت لسانها) شف من يتكلم يا أم أم خماس!
امنة: (شهقت) يا كلبة (راحت تلاحق شوق اللي كانت تركض و هي فاطسة من الضحك)
============================================
اليوم الموعود
شوق: (ع التلفون) بس لازم البس عباتي... هاه جييتي؟
امنة: انا عند الباب، يلة لا يطير عنه فارس الأحلام...
شوق: اااه، يا ليت ايطير وانا معاه،
امنة: اقولج، لا يكثر ترى ساعة وانا عند الباب..
شوق: اوكيي جاية
سكرت التلفون و لبست عباتها و شيلتها، و راحت تحت تسلم على ابوها،
شوق: مع السلامة بابا
ابو شوق: وين رايحة
شوق: اتسوي نفسك ما تعرف؟
ابو شوق: اهاا، انزين بنيتي، تغيشي(غطي وجهج) فالمطعم، على شان كلام الناس،
شوق: اولاً بابا، احبك، ثانياً انا كنت ناوية اتغشى من السيارة، ثالثاً مب رايحة لا مطعم ولا شي، عيب واحنا مب اجانب نواعد من نحبة، احنة نتزوج اللي نحبة بسنة الله و رسولة
ابو شوق: يعني شبتسوين؟
شوق:بس باشوفة
ابو شوق: عيل يا ويلي منه، بيذبحني لأن اخليج تتعشين معاه،
شوق: قصدك ياويله مني اذا سوالك شي
*صوت هرن سيارة*
شوق: هاي امون، تبغى شي يبه؟
ابو شوق: سلامتج بس،
شوق: الله ايسلمك، في امان الله،
ابو شوق: في حفظ الكريم...
تغشت و طلعت من البيت، و ركبت السيارة، واتجهوا الى حيث بدت قصتنا
No comments:
Post a Comment
I would really appreciate your comments :D Please and thank youu :*